理想國 第二卷 個人, 國家與武士

承接第一卷 什麼是公道既討論

第二卷 再探討公道

三種善

• 有一種善, 並不是因為我們想到它帶來的結果, 而單單只是我們喜歡它本身. EG: 喜悅, 無害的快樂
• 有一種善, 我們愛它, 是為了它本身, 亦為它帶來的後果. EG: 健康, 視力
• 有一種善, 我們需要它, 即使它是吃力費時的, 但它對人有利. EG: 體操鍛鍊

公道屬於上述那一種類的善?

S: 公道屬於最美好的那一級, 就像希望幸福的人, 既愛幸福本身, 亦愛它帶來的結果
A2: 公道屬於辛苦, 勞累事物那一級.

A2重組了A1的論據 重新挑戰S, 希望S能夠提出更具力量的反駁去頌揚公道

A2: 首先敍述一般人所瞭解有關公道的性質和起源
A2: 其次論述為何實踐過公道的人都是很不情願地實踐它
A2: 第三他們真的覺得不公道者的生活比公道者好

公道的性質和起源

A2: 論性質, 做不公道的事是有益的, 而忍受不公道是有害的
A2: 過度被傷害害處大於過度傷害別人
A2: 有人能傷害別人, 亦比人傷害
A2: 有人不能躲避被人傷害, 或制止被人傷害
A2: 他們於是彼此訂下契約, 既不把不公道加到別人身上, 亦不忍受不公道
A2: 這就是立法和人與人之間制訂公約的開端
A2: 他們稱執法的人為守法, 公道的人
A2: 公道就是介乎於最好(做傷害別人的事, 而不受罰) 和 最壞(被人傷害, 又不能報復) 之間的折衷辦法
A2: 所以, 公道不是善. 只是無能力做不公道事的人所尊重的東西. 有能力做不公道事的人不會訂立這些契約
A2: S所提出的論證並不能回答: 什麼是公道/不公道, 然後它們各自能對人造成什麼影響

探索公道

S: 探索公道是什麼很困難
S: 個人的公道相近於城邦的公道
S: 城邦比個人大
S: 尋找城邦的公道, 繼而在城邦的公道中尋找個人的公道比較容易
S: 由城邦的起源開始探索公道

城邦的起源

S: 每個人都不能單獨滿足自己的需要, 每個人都缺乏許多東西
S: 城邦=聚集人群, 互相補足大家的不足, 這就是城邦的起源
S: 隨著城邦因應各種需要而壯大, 便會有擴張的需要
S: 同理, 鄰居的城邦也會有同樣的擴張的需要
S: 這亦是城邦間戰爭的原因
S: 各行各業都應該有專門的人材就業, 軍隊亦同理

軍人性格的基礎

S: 敏銳, 能夠察覺敵人來臨
S: 強壯, 能在搏鬥中取勝
S: 高昂既精神, 能夠勇敢起來面對強敵
S: 愛好學習, 掌握判辨善惡既能力

軍人既教育

S: 音樂教育先於體育教育
S: 因為一開始, 總要先給孩子們講寓言, 才做體操訓練
S: 寓言一般都係不真實的(虛構)

SIDE TRACK: 導讀文

寓言 帶有三個作用: 講自然觀(宇宙既由來), 歷史觀(人類既由來), 同人類既倫理. 蘇格拉底係理想國下既音樂既寓言, 只講人類既倫理作用. 自然觀由哲學黎講, 歷史觀?????

音樂教育

S: 陶冶靈魂
S: 故事有兩類: 真實的/ 不真實的(虛構)
S: 理想國下, 音樂教育先用不真實的故事
S: 我們希望孩子靈魂能被正確塑造, 而且孩子難以分辨寓言和非寓言
S: 應該審查詩歌和寓言既內容, 避免孩子接觸不良訊息

S: 詩歌和寓言中, 神必是至善的, 並只為一切善的事物的原因, 惡不能在神身上尋找得到
S: 神只能是一切善的事物的原因 (在第一卷中的論證中有提及)
S: 善的東西不會有害
S: 不能害人的東西就不能作惡, 亦不會成為惡的原因
S: 所以善就不會是所有事物的原因, 而只是好事物的原因
S: 神必定是善的, 而神不會做出惡事
S: 所以神不是所有事物的原因, 只能是一切善的事物的原因

S: 其次, 詩歌和寓言中, 神不會改變形象, 亦不會用虛假的話語或行為來誤導我們
S: 能被替換, 被改動的東西代表東西不在最佳狀態
S: 神於每一方面均為最佳狀態
S: 神亦不會主動把自己任何一方面弄得較差
S: 所以神不能有許多形狀

S: 神和人均痛恨真實的謊言, 但對語言上的謊言比較寬容
S: 神不會無知
S: 神不會害怕敵人而說謊
S: 神沒有愚人和瘋子的朋友
S: 所以神沒有欺騙的動機 (第一卷中的論證中有提及)

SIDE TRACK: 導讀中謊言既解讀

一句話中的真誠性和真實性是有分別

說話真誠, 但不真實 => 現代說法是搞錯了
說話真實, 但不真誠 => 現代對講大話既理解

蘇格拉底中”真實的謊言”是指”搞錯了”, 而”語言上的謊言”是”講大話”. 蘇格拉底認為前者比後者問題嚴重得多

體操訓練教育

S: 鍛練身體

然後就並未有著墨於此處了

​

理想國 第一卷 老年財富與公道

流氓不可怕, 就怕流氓有文化, 而我覺得 蘇格拉底 係一個非常有學問既煩膠.

第一卷 什麼是公道?

公道就是對強者有益的東西

各國都遵守同一公道原則 — 當權政府的利益.

S: 臣民服從當政者是公道的, 恰當的
S: 當政者也會犯錯的
S: 當政者也會制定不正確的法律
S: 正確的=對當政者有利, 不正確的=對當政者不利

=> 當政者犯錯 => 制定不正確的法律 => 臣服服從不正確的法律 => 對當政者不利
=> 都是公道的表現 => 與開初公道是對強者有益的東西說法矛盾

位於高處的人的利益就是公道

S: 位於高處的人自以為是他的利益, 不管這種利益是不是確實對他有利?
A: 不是
A: 不會把一個犯錯的人在他犯錯的時候還叫他是一個位於高處的人
A: 正如我們不會在醫生醫治病人犯錯的時候才叫他醫生. 我們只會說醫生犯錯了
A: 事實上, 就稱號而論, 他們永不會錯 => 沒有任何一個巧匠會犯錯
A: 只有在一個人知識離他而去的時候, 一個犯錯的人才會犯錯
A: 即他不再是一個巧匠的時候, 才會犯錯

=> 以我既理解, 就是想否定蘇格拉底一開初的推導”當政者也會犯錯”

S: 技藝就是追求跟它目標有關的利益, 並不會尋求其他的利益
S: 醫術並不考慮醫術的利益, 而只考慮身體的利益
S: 馬術並不考慮馬術的利益, 而只考慮馬的利益
S: 技藝掌握統治權, 並且比它們從屬的主體還要強
S: 醫生是一個身體的統治者和長官, 醫生會尋求或者規範他的病人的利益, 而不是尋求或者規範他自己的利益
S: 舵手是水手們的統治者, 舵手不會考慮或者規範舵手的利益, 而只會考慮或者規範他們所統治的水手們的利益
S: 擔任統治者的人, 不會考慮或者規範他自己的利益, 而只會考慮或者規範被統治者的利益並且成為那個被統治者而施展他的技藝

=> 位於高處的人(統治者) 追求的不是自己利益, 而是被統治者的利益 => 與A開初的說法矛盾

A: 這就像誤解牧羊人跟羊的關係
A: 牧羊人會照料羊, 並不是為了羊的好處, 而是為他們主人或他們自己的好處而做
A: 統治者就正如牧羊人一樣

=> 回應蘇格拉底既舉例, A所認識的公道並未受到上述推導的挑戰

A: 公道和公正確實是指別人的好處, 對強者和統治者而言是利益, 可是郤完全是對那個慣於服從和服侍的屬民的傷害
A: 不公道是統治那些在每一個方面都是單純且公正的人們.
A: 不公道者的生活比公道者的生活好

=> A 帶出另一個要討論既項目, 不公道者的生活比公道者的生活好
=> 蘇格拉底 覺得自己並未被說服, 堅持自己寧可要公道而不要不公道

S: A在討論中擅自變更了詞義, 而並未坦承這一前後的立場變更. A認為牧羊人以牧羊人身份牧羊的時候, 並不著眼於什麼事情對羊群最好, 而是著眼於賣羊的時候什麼價錢最好, 彷彿他是一個生意人而不是一個牧羊人.
A: 和S一樣承認他們的統治者和公務人員, 那些真正的統治者, 並不是心甘情願地辦公和統治
A: 和S一樣承認公務人員不會自願擔任公職, 並且要求領薪水
S: 公務人員領薪水的表示, 好處不會累積到他們那裏去, 而是會累積到被他們統治的人們那裏

=> 蘇格拉底 指摘 A回應中前後不一的詞義, 並未反駁到蘇格拉底的挑戰

A: 同意由於力量或功能不同, 每一種技藝都會跟別的技藝有異
A: 同意每個技藝都能帶來一種特殊的, 而不是一般的好處
A: 同意如果有一種共同的或者普遍的好處, 是所有工匠都能得到的, 那麼, 這些好處顯然是因他們共同地使用了另外一些同源的東西而來的
A: 同意賺到工資的好處之所以積累到工匠那裏, 是由於他們進一步地使用了賺工資的技藝
A: 同意除去加上的工資之外, 工匠就再不能從他的技藝中得到什麼好處
A: 同意當工匠不為任何報酬工作的時候, 他仍能提供技藝的好處

=> 蘇格拉底駁斥了A 用技藝賺錢(好處)的論點: 醫術並不能賺錢, 而是醫生的服務費賺錢
=> 即牧羊人中的例子 前後有兩個技藝牽涉期中.
=> 蘇格拉底兜了個圈再度推論出
=> 位於高處的人(統治者) 追求的不是自己利益, 而是被統治者的利益 => 與A開初的說法矛盾

SIDE TRACK: 蘇格拉底認為如果好人拒絕承擔統治的責任, 他們只能被比他們更差的人來統治

S: 人們把追求金錢和名譽當成是一種責備
S: 這亦是好人不願意出來統治的原因
S: 好人是需要一些強制力和處罰來迫使他們出來統治
S: 這時候, 若果有人不願意擔任公職並且統治別人, 他們只能被比他們更差的人來統治
S: 真正的統治者並不會自然尋求他自己的利益, 而是會尋求被統治者的利益
S: 明白事理的人寧可選擇被別人賜益, 而不願承擔賜益給別人的麻煩

=> 蘇格拉底另一個角度再印證”公道並不是強者的利益”

不公道者的生活比公道者的生活好

A: 不公道是美德, 公道是惡德
A: 不公道是明智而善良的
A: 將蘇格拉底給予公道者的好品質都應附加到不公道上面

=> 蘇格拉底用提問的方式理解A發言的邏輯

A: 公道者沒有意願要超越或者勝過另外一個公道者
A: 公道者不會超越, 勝過或者越出公道行為的限度
A: 公道者希望戰勝不公道者
A: 不公道者希望戰勝不公道者和公道者
A: 不公道者是明智善良的, 公道者則是既不明智, 也不善良
A: 不公道者亦像明智善良的人, 而公道者不像
A: 每一個人都像他像的人一樣
A: 我能分辨音樂家和不懂音樂的人
A: 音樂家是明智的, 不懂音樂的人是不明智的
A: 人在他明智的領域裏做得很好, 否則則做得很差
A: 工作上, 音樂家不會聲稱勝過或超過另一音樂家, 亦不會覺得這樣做很合適
A: 若果是一個不懂音樂的人, 就會做上述的事情
A: 總合而言, 無知的人總想要勝過有知識的人和無知的人, 而有知識的人只會想勝過跟他不同或相反的人
A: 有知識的人是英明亦善良的
A: 壞人和無知的人都會想勝過相同的人和不相同的人

=> 一連串的問答後, A 自己也同意 公道者像明智善良有知識的人, 而不公道者則像壞人和無知的人
=> 基於每個人都像他像的人, 所以公道者是明智善良有知識的人, 而不公道者則是壞人和無知的人
=> 公道是美德, 不公道是罪惡和無知
=> 蘇格拉底 具體化 公道者 / 不公道者 既行為, 並加以舉例和比較, 然後找出A的邏輯矛盾既地方

不公道是一個強大, 有影響力的東西

A: 按S的說法, 力量必須跟公道結合, 按A的說法力量必須跟不公道結合
A: 同意, 任何想集體採取行動的團體, 如果成員之間彼此傷害, 他們不能成就任何事
A: 同意, 如果他們不彼此傷害, 有可能成就一些事
A: 同意, 不公道引致內訌, 亦產生了仇恨和自相殘殺的長期鬥爭
A: 同意, 公道能帶來心智的統一和愛
A: 同意, 不公道能在何處何地都製造仇恨
A: 同意, 如果兩個人中間湧現不公道, 他們就會成為敵人, 亦敵視公道人
A: 同意, 如果不公道出現在一個人身上, 它依然會保持它本身有的力量

=> 完全不公道者 不能完成任何事 => 不強大
=> 不公道者如果能聯結起來做事 => 當中必定有一定的公道存在
=> 不公道不是一個強大, 有影響力的東西

不公道者跟公道者相比, 會有一個比較良好, 快樂的生活

S: 我覺得公道者的生活比較良好, 比較快樂
A: 同意, 任何事物都有它們固有的優點 (即能正當地履行或完成它的特殊功能), 而這優點比其他任何東西都優越
A: 同意, 任何事物失去它們固有的優點, 而只有它們的缺點的話, 並不能完成它們的功能
A: 同意, 任何一樣東西具有自己美德 (即能正當地履行或完成它的特殊功能), 它的作用就好些, 而當它具有自己缺點的時候, 它的作用就差些
A: 同意, 把靈魂套在上述推論
A: 同意, 靈魂也有一種優點或者美德, 並用於生活上
A: 同意, 靈魂的美德是公道, 缺點是不公道

=> 公正公道的靈魂 => 生活得很好
=> 不公正公道的靈魂 => 生活就比較艱難
=> 生活美滿 => 受尊敬, 幸福的
=> 生活困難 => 與生活美滿相反

​

學習的王道 筆記一

前言

閱畢成甲既精準學習後(相關筆記連結), 已經過左差唔多半年, 我終於由圖書館借到佢推介既學習的王道. 以工具書黎計, 佢應該係我睇過最有故事性既工具書.

我認為, 書本身既排版敍事脈絡已經相當完整, 同埋, 我好鐘意本書係每一個主題既總結, 相當方便我MARK返重點. 所以, 黎緊既筆記都會跟返呢本書既脈絡黎寫.

處理挫折

學習既過程難免遇到挫折, 每個人都應該找到讓自己療傷充電既方式, 重新養成樂觀既態度, 以別有新意既角度面對未來

本書既主角(即係作者)雖然係西洋棋八冠王同太極拳既世界冠軍, 但係佢無神化自己, 反而好貼地咁講返自己都係常人, 都會遇到挫折. 佢既成功只不過係處理挫折既方法比其他人有效率.

樂觀面對挫折, 講就易做就難. 我覺得本書最務實既地方係分享自己搵出個人療傷充電既方式, 同點樣練習呢個方式, 提高呢個系統既效率.

學習心態

具有健康心態, 能夠從每一次正面或負面既經驗中汲取成長智慧既人, 正是那些能夠堅持下去, 終獲成功既人.

兩種學習心態, 固定智力論, 動態智力論. 固定智力論單純畫分聰明與笨, 有天份與沒有天份, 成功是因為有天份/聰明, 遇上挑戰時輕言放棄. 動態智力論將成功與努力連結起來, 遇上挑戰時會勇於接受挑戰

固定智力論既教導方式:

• 細路成功既時候, 老師/家長: 他們做得很好
• 細路失敗既時候, 老師/家長: 他們對那件事完全不行

例如

• 數學考一百分, 家長: 果然是我的兒子, 天生就係聰明
• 英文零分, 家長: 你係咪唔識字? 你果然唔係讀書既材料

呢類既評語將成功與失敗同天生既能力掛鈎.

動態智力論既教導方式:

過程導向既評語

• 細路英文寫作很好, 老師: 這篇作文寫得很好, 繼續努力, 有問題即管問我

呢類既評語令到個細路將成功同努力掛鈎, 並且展示出老師係幫助佢成長既友善動力. 一個領域既成功係因為佢夠努力, 所以其他領域都可以因為個人夠努力而成功.

• 細路輸左比賽既時候, 家長應該擁抱細路, 期後再輕聲問細路, 比賽既時候出左咩問題?

呢個過程除左增進親子關係, 亦可以幫助個細路由失敗中汲取經驗, 為下次既成功鋪路. 呢類時候, 作者強調, 家長唔應該強調結果並不重要, 如果輸贏唔重要, 個細路何必下苦功去改進缺點, 何必努力求勝?

正如本章總結所寫, 能夠從每一次成功或者失敗汲取經驗, 並且堅持落去既人, 先會係贏家.

響受成功既美好

成功滋味既美好, 正在於其稍縱即逝. 我地不妨在享受勝利既時候深吸一口氣, 隨後緩緩吐出, 細想從中學到既經驗, 然後向著下一個考驗和冒險邁進

我非常認同作者對成功呢個描述. 辛苦咁耐, 當然要響受一下成功既美好. 如果個個都要逼人忽略成功既美好, 我相信個人一定好快失去做個件事既熱情.

呢一篇既篇幅比較短, 作者嘗試繼續探討上一章既動態智力論, 坊間好容易將動態智力論扭曲成為過程至上, 繼而忽略成果既理論. 作者認為呢個諗法絕對係唔正確, 係一種逃避挑戰既藉口. 作者認為應該小心平衡過程與目標既相互關係, 並且提供一個手段: 設立短期目標, 然後不斷修正, 探索自己既極限.

個人覺得呢一篇同成甲講既反饋機制有少少互相呼應. 不斷設立目標, 然後修正, 一步步地邁向成功.

ZONE既重要性

在日常生活中, 我地可以用多種方式訓練自己, 不要被偶發事件分散注意力. 一旦上場表演, 就不容易被突發情況影響情緒

每個人都會遇上突發事件, 但一個真正出色既表演者係唔會比突發情況影響情緒, 繼而影響表現, 甚致把不利既突發事件轉化為有利己方既優勢.

作者眼中, 呢一種轉危為機既能力係能夠被系統化訓練:

訓練重點

• 不要被突發事情分散自己既專注力

訓練步驟:

• 學習如何順應突如其來既意外
• 學習如何化意外為優勢
• 如何不依賴外界既刺激, 自行製造優勢

然後作者拋出兩個表現心理學既名詞柔軟區同僵硬區.

• 僵硬區

僵硬區講求以支配或抵抗既方式應對令你分心既事物, 但此時你個人處於一極緊張狀態, 容易被壓力擊倒

• 柔軟區

柔軟區與僵硬區相反, 重點在於順應令你分心既事物, 甚致將令你分心既事物納入你思考既空間內. 具體黎講, 就好似柔軟而富有彈性既草葉, 係颱風中彎腰, 但郤不折斷.

我覺得區既概念用英文ZONE既表達比較傳神. 如果你有睇開黑子的籃球, 果到表達既ZONE同呢到提及既ONE差唔多. 入左ZONE之後就係外掛一般既存在, 表現突飛猛進.

第二個講法, 就係程式員講開既心流 in the flow概念, 係心流既狀態下, 你會感覺時間流動變慢, 並高效咁解決工作上既問題

綜合返作者提出既重點

• 入ZONE有助我地應對突發事情
• 有訓練能夠有效將突發事情轉為入ZONE既條件
• 有訓練能夠令自己隨意進入ZONE狀態

ZONE既訓練

搵出一樣令你放鬆又專注既活動, 然後設定四, 五個步驟去組成一套固定既儀式, 令呢套儀式同 專注 既心理狀態互相連結, 成為觸發 專注 既機制. 只要係重要既活動前進行這項儀式, 自己係重要場合既表現就會係最佳狀態

書中描述了一個白領丹尼斯既儀式

1. 十分鐘食點心
2. 做十五分鐘既冥想
3. 做十分鐘既伸展運動
4. 聽十分鐘某歌手既歌
5. 和兒子玩球

頭四個步驟就是隨意的前置條件, 最後一個步驟就是丹尼斯最能放鬆又專注既活動. 按丹尼斯本人既敍述, 他本人在跑了這套儀式一段日子(數個月)後, 每逢重要會議前, 如果都走一次這套儀式, 會議中的表現都比以往更好.

雖然作者無寫上相關既心理學理念, 但係我相信呢個儀式係運用左條件反射同心理上既獎勵機制既心理學理念.

條件反射出處為巴夫洛夫以狗作的實驗: 實驗研究人員每次餵食狗隻前, 都會讓狗隻聽到響鈴既聲音. 一段日子後, 實驗研究人員單單透過響鈴, 便能令狗隻分泌口水, 準備進食. 換個講法, 實驗人員令到狗隻產生了一種條件反射: 即聽到鈴聲, 便會流口水.

丹尼斯重複以上述既一套儀式, 令自己進入一個放鬆及專注既心理狀態. 換個講法, 丹尼斯不斷向大腦灌輸這種條件反射, 久而久之, 每當進行上述一套儀式後, 大腦便會條件反射式般進入一個放鬆及專注既心理狀態.

心理上既獎勵機制大概跟窮查里一書中既描述相近. 丹尼斯透過上述既條件反射, 令到自己隨意進入輕鬆及專注既心理狀態, 繼而在事業上有更好既表現. 呢到係一個正向既心理循環. 即行動, 獲得好成績. 丹尼斯下一次會更希望做出同樣既行動, 同時進一步加深大腦對呢個條件反射既印象.

本篇另一個重要既技巧係, 如何將自己精簡化自己既儀式. 精簡化既意思由務實既角度出發: 需要專注狀態既時候, 準備既時間未必足夠我地去跑一套完整既儀式.

作者既方法就係: 每次減少儀式既一小部份, 持之而行地做一段時間, 等大腦習慣, 然後重複呢個過程. 更甚者, 作者話自己去到後期, 單單透過想象練習, 就做到儀式要做到既效果, 信不信就見仁見智啦.

分解學習既要素

畫更小既圓, 就係將大動作拆解成幾個小動作, 然後不斷演練呢堆小動作, 慢慢修正, 直到能逐漸簡化外在形式, 郤不失力道. 久而久之, 外在動作越來越小, 勁道郤越來越強, 讓對手猜不出你會出什麼招

熟練基本功, 萬變不離其宗 我想可以作為畫更小既圓既另一個演繹. 或者, 畫更小既圓係另一個思考既方法: 做一件大事很難? 那就把它拆細, 直致能夠做到為止.

我地亦可以從深度訓練既觀點去理解呢一節: 除左要畫更細既圓, 仲要透過重覆不斷既畫圓, 當握當中既竅門. 之所以重覆訓練能做到精益求精, 我覺得可以用以下相對地比較數學既方式解答:

• 做任何行為都會耗費大腦一定既意識(能主動控制既處理時間)
• 熟練度越高既行為, 大腦耗費既意識越少, 以IT 術語既叫法, 可以話係OFFLOAD 左去大腦既其他部份(可能係潛意識).
• 用越多大腦既意識去觀察事物, 我地就越看得多
• 大師和普通人既分別就在於熟練度既分野
• 假設大師和普通人都有一致的意識量, 大師比普通人能看到更多細節, 就是因為大師們做同樣既動作時, 他們有更多多出來既意識去觀察

知識金字塔

學習的過程有如蓋一座知識金字塔, 當你吸收內化足夠既資訊, 便可以一層層地往上蓋. 若是蓋到某一層時突然靈感泉湧, 你會感覺看到什麼東西懸浮在金字塔上方, 只要你用點心, 一定可以找出這神來之筆既竅門, 讓金字塔向上爬升

如果上一節係深度訓練既分享, 呢一節就應該係廣度訓練. 我地可以用寫文章黎理解作者既知識金字塔理念: 我地用文字為最細既單位, 然後組成次一級既詞語, 繼而是句子, 然後是段落, 最後組成文章. 上一節既訓練就是讓我們透徹理解每一個單字既運用和字義, 然後學習把它們組成詞語既能力, 如此類推. 由此, 我地可以睇到廣度學習同深度學習既分別.

咁我地既學習既策略應該係先深後廣, 還是先廣後深呢? 雖然作者無畫公仔畫出腸, 但係由佢學棋由殘局學起, 再由佢鐘意將動作拆細再逐步精進改善可以得出佢係推崇先深後廣既學習策略. 或者換一個講法, 作者並無特意進行廣度既練習: 只係每次把底層的東西學好學滿後, 就自然出現一條通往上層既階梯.

壓力與復原的訓練

壓力與復原既訓練, 可以運用係慢跑, 單車, 舉重等運動上, 也可以融入日常生活. 越係能輕鬆自如地係全神貫注與完全放鬆之間轉換, 越係能增強心理與體能既抗壓性, 成為表現穩定既表演者

上兩節既分享比較似係心法既分享. 呢一節就係同ZONE既訓練一樣, 係明確既招式分享.

人有壓力先會有進步, 但人不能長時受壓, 必定要適當放鬆, 讓身心得以復原. 呢個道理就老生常談, 不過呢個道理既關鍵就在於放鬆既時間長度. 換個方式講, 就係你需要幾耐時間先可以由高壓既狀態讓身心復原.

LGE (人類表現學院) 就發現心血管間歇訓練有助訓練者處理上述既問題. 即係, 能夠更容易(更短既時間內)由專注或放鬆既狀態來回切換

以下係作者講既LGE既訓練

• 踩單車
• 轉速RPM 100 以上
• 阻力強度= 運動十分鐘後讓心跳達到170 (最大心跳率85%)
• 降底阻力強度, 踩一分鐘, 直至心跳回到140 (最大心跳率70%)
• 增加阻力強度, 踩一分鐘, 直至心跳去到170
• 重覆

NOTE.1 以前文後理推算, 作者當時應該大概20歲, 以人類最大心跳率=220 - 20 (200)來計算, 170 相當於最大心跳率既85%, 140 相當於最大心跳率既70%

以作者既講法, 訓練一段時後, 作者既心跳由170去到140 需時減少至45秒, 並且能夠衝刺更長既時間

作者都有講, 其實我地唔一定要以踩單車黎做訓練, 任何有氧既運動都有效. 關鍵在於, 訂製出適合自己既間隔, 勤加練習, 逐漸增加難度, 並縮短休息既時間.

除左運動, 作者亦都建議將呢套間歇訓練融入日常生活. 例如: 如果平時工作做到無神無氣既時候, 不妨出去行個圈, 洗個面, 等身心有一個時間回復精神. 同時, 作者亦相當建議大家得閒既時打坐冥想, 簡簡單單咁等思緒隨呼吸集中同放鬆.

如果想學習冥想, 個人推薦下面條片

https://www.youtube.com/watch?v=NLJcwbpkiJ0

​

晉身怪傑 筆記一

前言

繼約耳趣談軟體一書後, 晉身怪傑係另一本將部落格大神既文章編輯並翻譯成中文既書. 個BLOG既主人就叫Michael lopp, 有興趣睇原文既可以去呢到睇.

通常我寫書既筆記前, 我習慣GOOGLE 一下果本書既書評, 睇下人地會咩角度講果本書, 我自己認五認等等. 如果以搵到既書評數目黎作書本既熱門程度排名, 本書暫時係我睇過最冷門既書, 因為我只係搵到一個中文既書評. UMMMMMM, 咁呢個BLOG 應該係第二個….. HAHAHAHAHAH

廢話就講完, 都係開始做筆記啦….

呢類工具/生產類既書, 一般都會將書既內容歸類為幾個大方向. 晉身怪傑既歸類為

• 職涯手冊
  • 見工有咩準備
  • 見工有咩技巧
• 管理解構
  • 管理人既技巧/心得既篇幅
• 你的日常工具組
  • 我覺得呢個部份既命名文不對題
  • 日常工具並五係講軟件開發設計上既工具, 而係講管理工作時間上用到既技巧
• 你的下一個事業
  • 職涯手冊中內容既延申討論

我個人對職涯手冊入面講既野無乜共鳴, 可能我未有需要搵工住. 所以, 我先寫管理解構, 因為佢既內容我比較有共鳴.

管理解構

管理涵蓋既知識範圍廣而深, 作者對管理既睇法係管理身邊能接觸既一切, 當中包括下屬, 上司, 時間, 資源等等.

文化圖

作者管理篇章既第一個切入點就係想我地了解自己公司既文化圖. 文化圖並五係單指公司既組織架構圖, 文化圖當中包括公司種種不成文既規定, 職場文化等等無法用文字表達既概念. 作者亦都寫左幾個問題去比讀者思考了解一下佢文化圖概念:

• 組織最睇重既係乜?
• 誰人建立這套價值觀?
• 誰人在此體系下貢獻最高?
• 誰最了解點樣創造價值?

掌握呢類問題既答案, 有助打工仔回答以下一個對打工仔黎講非常重要既問題:

• 我應該做乜野以獲得升遷?

個人覺得呢套功利主義既諗法相當有意思. 正如, 考試目的就係追求分數. 最佳既答題方式, 當然係參考MARKING SCHEME, 咁樣自然事半功倍.

然後, 作者既另一句說話亦係非常有意思.

• 文化就係一種看不見但能將人連繫一齊既概念

我覺得公司文化既另一個演繹方式就係公司既使命感. 係一間有強烈使命感既公司, 我地都可以由在其佢地既職工或多或少咁體現得到. 例如, GOOGLE 既DON’T BE EVIL 格言, 亦有一則新聞體現出GOOGLE 既員工對呢個使命既堅持

文化圖既總結如下

• 掌握公司文化圖
• 掌握公司內部既不明文價值觀
• 調整工作既力度與方向, 以最大化升遷既機會

向上管理

第二樣作者講既管理就係向上管理, 即管理你的老闆. 呢個係一個大學問. 作者好聰明咁將討論聚焦係”如何決定問題是否上報老闆?” 這個問題上. 以下為作者自己決定上報與否會經過既思考清單

• 這是你的問題嗎?
  • 解決責任以外既問題, 成功就係英雄, 失敗就被埋怨
• 我能處理好嗎?
  • 所謂”能處理好”指能在沒有管理干預下把它處理好
• 這問題有多大?
  • 如果是所謂大事, 即使自己能處理, 也應該馬上上報
• 這個問題與你經理旳某個興趣有關?
  • 如果你知道你老闆會關心這個話題, 在情在理你也應該馬上通知他
• 獨立完成有什麼好處?
  • 聲望….
• 自己搞砸了有什麼壞處?
  • 個人信用度破產?
• 你會成長嗎?
  • 這個問題是多餘的, 凡係落手落腳做既野總會令你有成長

另外, 作者另一句有意思既句子:

• 不要把問題丟給我, 給我解決方案

以上司既角度代入呢句說話, 我個人非常認同.

危機處理

雖然原文既標題就叫直覺反應, 不過我覺得呢個標題與內文關係比較簡接. 由於閱畢整章後, 我覺得作者想點出的是: 我們應該要了解公司同儕對危機剛出現時既第一反應. 我將呢個SECTION 改做危機處理

在危機出現時, 作者列出會在會議枱出現既人既類形

• 不博士

呢類形既人唯一既反應就係挑釁味濃厚既不. 應對方法為讓佢地多說話, 並讓佢地與其他人多交流.

這樣做有幾個好處. 討論既期間, 佢地有時間讓頭腦冷靜下來, 然後思考事情既最佳對策. 同時, 亦有一個宣洩既平台等佢地表達自己.

• 蠻牛

呢類形既人係一種有性格既不博士. 與不博士既類形比較, 佢地既目的係為吵而吵直至心理上得到滿足. 這類形既人係最危險. 應對方法, 如果手上沒有辦法制止爭吵的話, 最好馬上把會議結束, 擇日再開. 同埋要求呢類形既人坐底慢慢思考, 緩和佢地對團隊既負面影響.

• 心如止水

呢類形既人係會議室中保持沉默並在整個過程中都保持冷靜.

• 抽絲剝繭

呢類形既人會不斷透過提出問題直至佢地對問題有一個透徹既理解.

• 處理者
• 我的錯
• 命中註定
• 我不幹了

餘下既幾種都係程度不一既逃避反應. 最好既應對方法為塞其他工作比呢類形既人以分散他們既注意力.

綜合黎講, 不管係邊類形既人, 最萬用既解決方式係透過不斷既對話, 讓大家交換想法, 最後先能得出對危機處理有建設性既解決方案

日常工具組

呢到既日常工具, 並五係工程時平時工作上既日常工具. 作者講既日常工具係講緊工程業職業技能以外既技能, 例如: 人際溝通, 時間管理上用到既工具.

會議中既勢力分佈

原文既標題係位元, 功能與真相, 同上段既危機處理一樣, 我換了一個我覺得比較易理解既標題.

作者講既會議分成三個勢力, 位元, 功能及真相. 用返平時見開既名詞去表達既話就係講品質, 功能及時間. 正如漁與熊掌兩者不能兼得既概念, 這三者構成一個三角形, 說明軟件開發中既取捨問題: 三個項目中只能兼顧兩項並犠牲餘下的一項.

我嘗試列舉出會議中各勢力下既代表者:

• 品質:

QA部門. 成熟既軟件開發流程必需包含完善既QA以為正式推出既軟體作守尾門既功效. 這個部門就是為了軟件既品質而存在, 所以自然會是品質勢力既代表者.

• 功能:

SALES 部門. 除了CS外, SALES部門便是接觸客戶最多既一個部門. 以我自己個人既經驗, 只要交易額夠大, 我未聽過有SALES說事情是辦不到的. SALES部門可以說是一個對外簽支票既部門, 只要金額夠大, 客戶要求什麼也會說OKOK. 然後, 為了避免自己開出空頭支票, 就在內部會議上聲嘶力竭咁逼令開發部門將相關簽下既功能優先推出

• 時間:

最後一方既代表當然係產品經理同其後既工程師團隊啦. 如果SALES部門是一個簽支票既部門, 工程師團隊就係附負兌現支票既部門. 如果有無限期既時間, 工程師團隊的確能兌現任何荒誕既支票. 不過, 正如上一個筆記中 JOEL 既講法, 在商而商, 軟件推出總是有期限, 並且越快越好. 做不到的話, 大家就可以集體被辭職, 因為公司都不存在了. 所以, 工程師團隊既立場就係如何在有限既時間滿足最多SALES部門既要求.

有了三個勢力背後所代表事情既概念後, 作者以位元, 功能及真相將同樣既概念重新包裝.

作者既定義	一般三角形
位元	時間 + 品質
真相	時間 + 品質
功能	功能

為什麼位元跟真相都是時間+品質既組合? 這是因為作者把時間和品質背後各自既細節打散再重新定義起來. 詳情可以睇返作者既演繹, 這裏就不再多談, 因為我想紀錄既重點不在這裏. 不過, 作者呢個新包裝表達力比舊有的包裝更好, 更能夠表達每個勢力所關心既項目. 接下來, 我都會用返作者定義既名詞.

會議上勢力平衡既重要性才是我想紀錄重點. 作者既建議係每個勢力最好各由一人獨立出任, 並且各自間既地位要不相伯仲, 這樣會議出來既結果才是最公正的.

以我有限既個人見解, 會議跟政治一樣, 都係一門協商, 分配資源既藝術. 在緊有既資源下, 各方勢力互有攻守, 各自最大化自己既利益.

SALES: 我要增加功能X, 但不能調整現有既時程
QA: 現在既功能品質與時程還算充裕, 如果額外新增X的話, QA方面應該還可以應付需要
工程師團隊: 現有既時程必定做不完功能X. 如果我們可以把還未做又無人用既功能Y刪掉, 我們方有機會按時完成
SALES: OK
QA: 這面也OK

雖然上述例子比較烏托邦, 不過亦足以演繹各勢力間協商既流程. 由平衡既會議勢力中產生既結果, 必然不會偏向任何一方, 因為各方都會在概有既框架下爭取最大既權益. 以公司既角度而言, 這亦是最理想既狀態, 因為沒有一個部門能夠主導公司既發展, 這樣公司既發展便更為紥實.

SALES不能胡亂開出空頭支票, 影響現有既產品既時間表, 或隨意犠牲產品既質素. QA便有足夠時間核實公司產品既質素, 提升公司產品既可靠性. 工程師團隊亦能夠把時間和資源集中於對公司有利既產品功能, 提升公司產品既競爭力.

不過, 如果勢力既平衡被打破, 例如由同一人擔任多於一個勢力既代表, 會議既結果自然被該人所主宰. 這並不是一件好事情. 如果由工程師團隊同時掌握了位元跟功能 兩個項目, 公司產品既功能未必就能符合客戶所需要的, 繼而導致公司產品既銷售數字下降. 以公司角度黎講, 這個明顯不是一個好做法

後記

本書仲有作者其他雜七八九的工作分享, 但寫既呢一刻除左上面幾個要點比較深刻同認同之外, 其他就不再詳寫. 或者, 未來某年某月某日翻睇本書既時候會有更大得著.

總括黎講, 本書除左一開始比較難於閱讀之外, 書既其他部份相當有趣及易理解. 本身從事軟件開發既朋友, 睇到書既某D部份應該同我一樣識得會心微笑.

就寫到呢到啦 :D

​

約耳趣談軟體 筆記一

前言

第一本非理財類既書既筆記, 而且我都五記得我由邊到知道呢本書. 不過, 我諗無乜人在意呢件事…. 所以我都係開始寫返我既筆記. 呢本係翻譯書, 作者就叫約耳. 約耳趣談軟體, 大意就係作者對自己業界既分享/調侃.

本書大部份內容都係由佢個BLOG到剪出黎. 識英文既朋友, 我建議大家都係買返英文版或者直接上佢個BLOG睇, 因為中文版實在譯得麻麻地, 詳見下面讀後感.

讀後感

雖然書中大部份內容均有十年既歷史, 但是大部份既觀點與建議依然適用於現今這個行業. 不過, 翻譯果個就麻麻地. 襯感受猶新, 我決定先行紀錄那些”有點東西” (最近睇TOYZ, 花輪台學返黎既) 的句子.

• 神聖的垃圾 (原文 holymess)

前23章睇既內容都有種異樣既違和感, 行文用字硬係有點突兀. 不過, 總體來說也不致令我有衝動查閱譯者來頭. 直到見到24章既神聖的垃圾, 我當堂打左個突: 你個翻譯夠竟係乜野水平.

馬上睇返譯者簡介, 譯者居然係在職資安碩士, 仲要係約耳官方認可之一. OH MY GOD …. 他媽的, 這一定是譯者個人風格, 本著忠實反映約耳用字既譯法黎.

• 真他X的 (原文 doggone ugly)

本著上面既直譯風格, 讓我們繼續看下去, 同一篇BLOG就出現了真他X的醜… 佢今次無直譯, 反而譯返道地既台灣形容詞 … OK, 我放棄思考了.

除了上述我覺得比較離譜的譯文之外, 其餘的譯文都中規中矩, 沒有那些令我留下特別深的印象.

後話, 如果比我譯HOLY MESS 既話, 我會譯做他媽的一團糟或者亂糟糟的. 它們都比神聖的垃圾更貼近原文語意.

講完翻譯既問題, 就講過時既內容問題.

• 無痛軟體時程 原文

約耳既過期既原文寫於2000年3月, 而更新左既文章則寫於2007年既10月. 係原文既網址上, 約耳亦都清楚指出新文既做法比較好, 我們應該睇新文既做法.

我睇既中文版本為首版四刷, 出版時間係2011年8月. 這裏足足有接近四年既時間讓出版社以新文替換掉原文關於時程既作法. 但是, 出版社既四刷依然在列印過期既時程內容. 請問一下, 再刷的意義何在? 過期既內容不用更新的嗎? 這樣的出版社好像不太靠譜的吧?

還好, 這書我是借圖書館的, 一蚊都五洗比. 如果五係, 呢一本譯書係第一本我想退錢既書.

好. 廢話就講完, 係時候MARK 返D筆記.

普及Unicode既教程 (原文)

坦白講, 去到2019 既今日, 我都係五識unicode. 直至睇到約耳講返unicode既歷史, 同用途, 我先有豁然開朗既感覺. 難怪窮查里的普通常識一書指出, 要學習一門知識最好先看背後既歷史. 長話短說咁講, UTF-8係最常見既字串編碼方式. 寫CODE時, 如果無特殊既需要, 我地都應該用UTF-8.

題外話, UTF-8 能夠在多款編碼方式中跑出, 成為業界常見既做法, 其中一個理由應該係佢既Backward Compatibility. 另一個隨筆[雞生蛋蛋生雞一文中][egg_chicken]就論述左向後兼容既重要性, 以及向後兼容對客戶接受度既影響.

邁向高品質編程既十二個步驟 (原文)

這12步驟構成了一個簡單既評核機制. 約耳用它們來評估軟體開發團隊既運作/執行效率. 每個步驟既設立原因, 操作流程就請讀者去睇返原文, 這裏就不再覆述. 反而, 我想補充下關於執行呢十二條步驟上既問題.

如果你係公司位高權重, 你可以直接跳落去下一點, 因為根本無人可以阻擋到你想推行既政策. 相反, 如果你係SMALL POTATO, 但又想提升團隊既編程水準, 我建議你睇一睇約耳呢一個BLOG. 簡單黎講, 就係由自己做起, 然後讓其他同事感受到這十二個步驟既優點, 繼而說服他們支持你既革命. 一旦其他同事應同你既做法, 再一起向管理層革命, 成功既機會率便會大大提高.

2019年既今日, 我推介gitlab 比咁多位有志革命者. 一套免費既軟件, 簡簡單單咁集DEBUG DATABASE, SOURCE VERSION CONTROL, DAILY BUILD 等功能於一身. 當然, 你都可以用github既服務. 不過, gitlab本身免費提供PRIVATE 既repository, 反而github 免費提供只有PUBLIC 既repository. 如果, 你公司對擺CODE上網非常過敏的話, 可以自行架設LOCAL 既GITLAB SERVER.

軟體開發時間表 (原文)

在商言商, 軟體開發時間表既管理非常重要. 不過問題是, 軟體既開發時間表表跟政府工程竣工時間一樣, 經常被一拖再拖, 沒有準確度. 故此很難說服程序員去編寫一份連自己也不相信的時間表.

約耳在此提供了一個Evidence Based Scheduling 既建議, 原理與做法就請參閱原文, 這裏就不再詳述. 我覺得聽落都尚算可行, 所以決定親身實驗一下呢個做法. 有機會再係到更新返呢個做法有無效.

想同我一齊實驗既朋友, 我比個現成既EBS EXCEL大家, 省郤大家起呢個EXCEL 時間.

點解要寫同如何寫SPEC

以Painless Functional Specifications 開頭既BLOG POSTS. 約耳講述寫SPEC既重要性, 同示範點樣寫出一個有用既SPEC.

我大致明白佢寫SPEC既概念, 不過問題係, 佢實際演示既做法, 我執行上亦都相當花時間, 以及我預計五到有咩實際得著. 日後有機會既話, 再係到更新相關心得

仲有既係…

我特別有感受既BLOG POST 都寫哂係上面, 以下係我覺得有得著既BLOG POSTS, 不過我未諗到有咩特別感受要追加, 所以就單單列出它們既網址. 日後有機會既話再寫筆記跟進

• https://www.joelonsoftware.com/2005/05/11/making-wrong-code-look-wrong/
• https://www.joelonsoftware.com/2002/02/13/the-iceberg-secret-revealed/
• https://www.joelonsoftware.com/2002/05/06/five-worlds/

推介既書

• 人月神話 (the mythical man month)

​