前言
承接上一篇筆記,今次記錄第八章既重點.
投資者同波動既市場
呢一章先指出投資者投資生涯上必定會面對市場既波動, 並提醒投資者應該要做好萬二分準備. 粗俗既理解就係: 既然波動既市場係一個必然既存在, 咁我地點樣透過佢獲利呢?
然後先逐步講返有咩原因會引致市場波動, 分析市場上現有既技巧, 繼而再帶出作者建議既對策.
預測市況是否可行?
呢個係作者第一個想探討既問題. 既然股價總會周而復始咁升升跌跌, 時間拉長既話股價總會反映股票既實際價值. 那麼我們能否解讀出 模式 (PATTERN) 或者 方程式 (FORMULA) 去預計股價既走勢從而獲利呢?
作者直接講市場上有兩種揀法: 時間 (TIMING) / 價值 (PRICING). 時間既揀法係指投資者利用方程式或者股票走勢黎預測市況, 繼而判斷入市出市既時間點 (現代既講法 應該技術分析). 另一種價值既揀法係指投資者買賣股票只會因應股價相對股票既實際價值高低而決定 (現代既講法 就係價值投資).
兩種方法都有機會成功獲利. 不過, 作者既講法係如果你並非追求卓越既回報 (第一章筆記中正確投資既態度) 價值投資相對技術分析黎講, 由價值投資賺錢係必然既事. 不過作者都指出的的確確有人能透過高明既技術分析賺到錢, 不過就非常罕見.
以下記錄作者扁低技術分析既原因
- 投資者如何確保自己能夠較其他投資者高明地利用常見技術分析既技術?
- 技術分析係投機者喜愛既工具, 因為相對價值投資既分析, 技術分析讓他們更”快”作出買賣判斷
- 美股歷史亦有例子證明技術分析會讓投資者作出錯誤判斷
- 隨著股票市場既演化, 會引致更多既變數, 繼而令技術失效
- 技術本身會越使用人數增多而自毀 (即效率市場既論點)
低買高賣又如何?
既然一般投資者難於直接套用PATTERN / FORMULA獲利, 作者又再探討市場上另一個相對簡單既做法: 低買高賣. 投資者係熊市既時候買入股票, 牛市既時候賣出股票. 呢個做法係基於市場高低係一個循環, 而且牛市能透過明顯既訊號例如高PE比等等得出. 操作性容易, 賺錢性亦高.
不過作者質疑既係每一次熊牛市既特徵也不盡相同, 而且美股歷史上亦曾出現不同特徵既牛熊市. 投資者如果根據錯誤既特徵黎投資, 將會損失慘重. 面對不明既市況, 作者既建議係第一章既調整投資組合中債券同股票比例以減省損失.
價值投資有無例子?
1938年美股A&P (Atlantic & Pacific)既股價最低為36元, 即該公司優先股與普通股合共(市值)總共為1億2千6百萬元. 有趣的是, 該年度財表反映A&P手上坐擁8千5百萬元現金以及資產淨值1億3千4百萬. 股價比公司資產更低, 為什麼市場會對A&P如此悲觀?
作者分析 低迷既股價有三個原因造成
- 美國對連鎖商店加徵既特別稅
- 美國整體經濟不景氣
- 過去一年純利下滑
找出原因後, 作者取態與市場相反. 作者認為此乃買入A&P既良機. 首先, 稅項對A&P既影響有誇張失實既成份, 第二整體經濟及純利下滑互相呼應, 加上A&P以往均有龐大既收益紀錄, 作者深信上述兩者應該只是暫時性現象. 所以, 作者認為三者均並未能對A&P既業務帶來長遠影響, 市場並未正確反映A&P既價值.
最後, 1939年A&P既股價回升117.5元證明作者既看法正確.
時間去到1961年 A&P 既股價為70.5元 (若修正股本一拆十既影響, 以1938年既股份黎睇, 股價應為705元). 呢個價位若以1961年既盈利計算, PE為30. 對比同期既DIJA 指數 PE只有23倍. 有了1938年既歷史, 這反映市場對A&P既信心爆棚, 認為它未來能夠繼續保持龐大既盈利.
可惜的是, 作者認為市場對A&P過份樂觀, 高估了此時A&P既價值. 對比1938年時期, A&P既盈利保持上升趨勢, 但此時既A&P盈利已經連年在走下坡.
最後, 去到1970年A&P既股價為21.5元. 兩年後, A&P既盈利更在第一季度錄得赤字.
作者既建議
面對波動既市場, 作者一再提醒投資者要小心應對. 一方面提醒技術分析派既投資者, 市面並未有一種長久可行既PATTERN / FORMULA 能在市場中獲利. 另一方面亦提醒價值投資派既投資者, 不要輕易因為市場價格既高低而賣出或買入股票.
真正既投資者不會因市況波動而擔驚受怕, 更不會單單因股價低迷而賣出股票.
最後?
第八章作者仲有講其他細節, 例如作者覺得股價高於其資產價值三份一既股票就五值得買, 個人投資者對比機構投資者所擁有既優勢, 管理質素同公司既價值為正比, 債券價值同當年度既利率為反比等等. 小弟就不在此一一盡錄. 下一次應該會寫埋第二十章既筆記….
沒有留言:
發佈留言