智慧型股票投資人 The intelligent investor 筆記三

前言

承接上一篇筆記, 今次紀錄第二十章既重點

安全邊際

所謂: 「無論白貓定黑貓, 捉到老鼠既就係好貓」. 投資方法和工具五花八門, 但宗旨都是替投資者賺錢. 作為本書既最後一章, 作者總結過往所討論既投資經驗, 化繁為簡地得出「安全邊際」呢個終極概念. 那麼到底什麼是「安全邊際」?

先以企業既立場來說, 安全邊際可以形容為企業能夠容忍虧損既空間. 安全邊際越大, 企業發生虧損既可能性就越低, 反之則越高. 那麼, 企業發生虧損既機會越低, 盈運賺取盈利既機會就越高.

若能把這個概念套在股票投資上, 投資者獲利既機會便大大提升. 舉個例子, 企業X股價現價為十蚊. 若投資者以十蚊買入X, 那麼股價超越十蚊的話就是盈利, 反之則為虧損. 這時候投資者的安全邊際為0. 倘然, 投資者能以八蚊買入X的話, 此時投資者既安全邊際則為2, 因為X需要跌穿八蚊才會引致虧損. 換句話說, 投資者有兩蚊既緩衝空間以減低投資虧損既風險.

長遠而言, 股價必定反映企業內在既真實價值. 但係市場短期既波動 (詳見上一篇既筆記)郤讓精明既投資者有機會以低於企業既真實價值既股價買入優質股票. 或者說, 投資者有機會買入帶有寬闊安全邊際既股票 (因為股價低於企業實際既價值).

怎樣「股」價?

那麼, 投資者應該怎樣判斷企業的股票屬於便宜或者擁有安全邊際呢? 這章指出作者喜愛以PE 的倒數來判斷股票是否便宜. 正如PE (市盈率或本益比)在描述市場願意用多少倍的價錢去購買企業一蚊既盈利. 作者定義的PE倒數為企業賺錢的能力, 即投資者每一蚊既投資能換來企業多少的盈利.

舉個例子, 如果股票的PE值為11時候, 即市場願意用十一倍既價錢去買企業一蚊既盈利. 此時,
企業賺錢能力為 9% (即 1/11). 即投資者每付出一蚊, 就能夠賺回0.09.

那麼, 多少的賺錢能力才算有安全邊際呢? 作者既計算方法為債券既回報加上5%既利潤. 如果債券既回報有4%的話, 若想有充足的安全邊際, 企業賺錢能力最少就必需為9. 當然, 利潤當然越高越好, 因為這個利潤的大小正止就是全安邊際的大小!

分散投資(DIVERSIFICATION)

上述安全邊際既概念只是減底個別股票投資既風險. 如果投資人希望再進一步調控投資既風險的話, 便要運用分散投資既概念. 簡單一點來說, 就是買入多隻有寬闊安全邊際既股票, 那麼投資人既勝算便更高了

舉個例子, 假設現在身處美國賭場中的輪盤遊戲, 輪盤總共35格, 每次賭客可以1蚊下注當中一或多格, 如果輪盤中的小球最後落在下注的一格, 賭客可以獲得33蚊. 這時賭客既安全邊際為負數, 因為賭客既盈利機會隨下注格數增加而減少. 若果賭客選擇下注全部輪盤格數的話, 該輪遊戲必定虧損2蚊. 不過倘若獎勵增至37蚊, 賭客的安全邊際則為正數. 只要賭客下注全部輪盤格數的話, 該輪遊戲必定獲得2蚊既盈利.

上述例子背後的概念就是所謂的分散投資: 增加手上擁有安全邊際既股票數目, 這樣便能確保投資人既獲利機會.

總結

經過幾日既努力, 終於寫好最重要個三章既筆記. 其實本書仲有好多細節想寫返筆記做紀錄:

• 第八章講既個人VS機構投資者既優勢
• 第十章講既對財務策畫經紀既問題清單
• 第十一章/第十三章/第十五章講既股票分析入門同方法
• 第十六章講既認股證, 優先股對企業股數既影響
• 第七章/第十一章關於PE既討論

不過本書太熱門, 唯有先交還圖書. 日後有機會再補完以上既筆記

其他筆記

• 第八章筆記
• 第一章筆記

​