財務自由的世界 筆記三

前言

上一篇講左三隻現金流, 今篇筆記主要紀錄作者揀股既方法

黃國華的財務分析的十一道標準程序

黃國華呢十一道程序就五代表穩賺既, 只不過呢堆標準程序涵蓋左佢多年選股既經驗, 並綜合如何應用左多項財務資訊既手法. 讀者可自行加加減減, 以定出適合自己既流程

第一步: 選出股市中股價排首50名既股票

作者既原文係揀頭40隻最高股價既股票. 由於作者係指台灣市場, 我就修正個數字做50隻. 揀50而五係其他數字, 原因單純因為恒生指數既成份股數目都係得50隻.

首先, 其實你有時間揀幾多隻都得, 重點要在高價股揀. 原因我地可以咁理解: 如果要由一籃好既雞蛋裏面搵出壞蛋既機會係低, 那麼由一籃壞蛋裏面搵出好蛋既機會係接近零.

其次, 所謂爛船都有三根釘. 雖然話市場效率不高, 市場中既高價股都必有其獨特既優勢. 由它們作為我們選股的起點實在最好不過.

第二步: 剔除上市時間不足兩年, 以及開曼群島註冊既公司

書中有另外兩篇文章解釋第二步做法既成因, 讀者有興趣既請參閱原書, 這裏只會簡單作兩點總結:

• 真金不怕紅爐火, 時間自會幫我們淘汰垃圾股
• 普通投資者難於監察外地註冊既公司, 亦不熟悉外地既監管機構. 既然我們由大量本土的股票選擇, 為什麼要冒險選海外的股票呢

第三步: 剔除過去四年內曾經虧損既公司

作者這裏理由就有點亂來, 大意就係話優質股就係天生麗質, 如果過去有虧損既又點做優質股呢?

第四步: 剔除過去兩年或者三年營業利益率有大幅上落既公司

温故知新一下營業利益跟營業利益率的計算方法

• 營業利益 = 毛利 - 營業費用
• 營業利益率 = 營業利益 / 營業收入

作者原文用八季同十二季, 我改用兩年同三年表達係因為香港公司既財務報表每年發出既次數少於台灣公司既次數. 港交所既要求係一年兩次而臺證所要求係一年四次, 即每季一次. 所以, 我覺得用年既表達比較恰當.

第五步: 剔除過去三年內累積自由現金流為負數者

有關自由現金流既重要性, 可以參考上一篇文章, 這裏就不再多述. 作者係呢一步既解釋跟第三步差不多, 就是好公司就應該保持自由現金流為正數.

第六步: 剔除半年或全年營收年增率為負數既公司

作者原文係過去三個月各自營收既年增率. 係香港就無得咁做, 因為香港既公司並無責任披露每月營收既相關資訊. 退而求其次, 我選擇以半年或者全年作一個參考點.

至於點解要揀正數既年增率公司, 理由很簡單. 公司既存在目的就係穩錢, 而投資者既目的就係找出最賺錢既公司. 生意衰退既公司, 對投資者而言是沒有吸引力的.

第七步: 剔除曾經發行新股票(不論以供股/配售/公開發售/代價發行既形式)既公司

向股東要錢既公司不是好公司, 公司擴張既資金應該由本業賺返黎.

第八步: 剔除市值係15億以下既公司

作者原文係指50億台幣以下. 因為港幣對台幣大概是一對四, 所以這裏我改成15億港幣.

揀大市值既公司係減低大戶惡意操控股價既機會

第九步: 剔除存貨週轉率連續下滑既公司

跟第二步一樣, 書中有另外一篇文章講述存貨週轉率既重要性, 這裏只單總結為, 這個數字能反映公司對存貨既控管優劣能力, 這能力在經濟不景氣時, 更為重要

第十步: 剔除成交量過低的公司

簡單來說, 就是確保自己想賣股票的時候, 有足夠的成交量接自己既貨. 作者既建議係, 股票十日既平均成交量不能少於自己買既股數既十倍. 如果成交量不足上述比例, 作者既建議係放棄該股票, 或者減少持股數

第十一步: 遠離股評人既祝福

天下無免費午餐, 股評人祝福既股票可免則免.

後記

本書仲有一兩篇實戰分析都我覺得值得筆記, 下次再寫

​

財務自由的世界 筆記二

前言

上一篇就係現金流量既簡介, 今次就講返各現金流既細項

營業活動現金流

「現金流」字面意思解作現金既流動, 流動既物體必然帶有方向, 即流出與流入. 公司既現金流則是指現金在公司流動既情形, 而我們應該觀察和著的就是指流出與流入公司既現金數量.

正如筆記一的故事演繹, 營業活動現金流就係指從營業而來既現金 (或者投放在營業上既現金). 書中解說營業活動現金流時列出一個重點:

• 「稅後淨利」指公司賺了多少錢, 但稅後淨利並不等如現金.

舉個例子, 有大量稅後淨利既公司, 不一定就有現金流入公司(真賺錢), 但郤會有現金流出公司(真蝕錢).

營業活動現金既構成

• 稅後淨利
• 折舊

折舊雖在損益表中列為「費用」, 但實際當期公司並未為此付出現金, 因為當初購買機器時已經全數付現. 所以我們必須把「費用」加回營業活動現金

• 投資收益

它在損益表中被編入了「稅後淨利」, 但以現金流既角度來看, 它則屬於投資活動現金流, 所以我們要把它「減去」以剔除它對稅後淨利在營業活動現金流既影響.

• 投資損失

與上述項目同理, 我們要把「投資損失」加回營業活動現金

• 應收帳款增減

此項目重點在於「增減」兩字. 「增加」既應收帳款雖在損益表中列為「收入」, 但尚未收現, 故此不符合營業活動現金流既定義, 我們要把它「減去」以剔除它的影響. 「減少」既應收帳款雖在損益表中列為「損失」, 但實則代表收現入帳, 所以我們要把它「加回」營業活動現金流.

• 存貨增減

與上一項目同理. 「增加」既存貨意味更多既現金支出, 反之則是更多既現金收入. 我們要適當地把它「減去」或「加回」到現金流.

注意的是, 存貨減少有兩個原因: (1)打呆帳, (2)鎖貨暢旺. 但不論那一種「「損失」, 公司也並未有現金支出, 所以我們要把它「加回」到現金流.

• 應付帳款增減

與上一項目同理. 「增加」既應付帳款意味更多既現金支出, 但並未付現, 要把它「加回」. 反之,「減少」既應付帳款已經付現, 要把它「減去」

• 其他調整項

未能歸類到上述項目既調整. 公司越多此類既調整, 公司既運作越不透明, 投資到此間公司的風險便越大.

總結

營業活動現金流 =
稅後淨利 +
折舊 +
投資收益 +
投資損失 +
應收帳款增減 +
存貨增減 +
應付帳款增減 +
其他調整項

注意點:

• 現金流要確切反映當期流入/流出公司既現金數量
• 部份在損益表中為「費用」項目(折舊, 應付帳款增減等)已在稅後淨利反映, 故此, 我們需要「加回」到營業活動現金以剔除他們的影響
• 部份在損益表中為「收入」項目(應收帳款增減等)已在稅後淨利反映, 故此, 我們需要由營業活動現金「減去」它們以剔除他們的影響

投資活動現金流

正如筆記一的故事演繹, 投資活動現金就是與營業沒有直接關係的現金,投資活動現金流就是該範疇中的現金在公司流入流出情況.

投資活動現金流由以下項目構成:

• 出售長期投資
• 長期投資(新增)
• 處分固定資產
• 固定資產(購置)
• 其他調整項 - 投資

計算投資活動現金流, 只需要把各項目直接加減就可以了. 相對於營業活動現金流, 要考慮那項目要剔除, 那項目要補回, 計算投資活動現金流容易得多.

除了說明計算投資活動現金流既方法, 作者亦提醒一眾讀者:

投資的金額越高, 不代表其未來的經營效益就越好. 不當且龐大的投資, 往往是造成公司在不景氣中巨額虧損的元凶.

作者以台灣LED產業中的公司業績與投資金額作對比去論證上述論點, 詳請就不在此列.

理財活動現金流 (融資活動現金流)

理財活動現金流就是填補公司在資金上既缺口. 即是如果公司收入少於公司支出的話, 公司便需要向外舉債(融資)以支付各項開支.

理財活動現金流主要有以下項目:

• 現金增資 (香港: 供股)
• 支付現金股利 (香港: 支付股息)
• 短期借款新增或償還
• 長期借款新增或償還
• 發行公司債
• 償還公司債
• 庫藏股票減(增)

觀察公司既理財活動現金流, 就能了解公司有沒有替股東賺錢, 亦可以了解公司過去有否不斷向外舉債/借錢. 試想, 經營有道既公司怎麼會不斷伸手向股東或銀行借錢? 那麼到底什麼樣的公司要不斷向外借錢? 這樣的公司值得投資人投資嗎? 呢類問題既答案都可由理財活動現金流推敲得出.

自由活動現金流

公司既價值在於「賺取現金既能力」, 投資人不應該只單看EPS和稅後淨利. 那麼我們怎麼判斷公司「賺取現金既能力」? 答案來自「自由活動現金流」.

自由活動現金流由以下項目構成

• 營運活動現金流
• 投資活動現金流

兩者相加即可以得出自由活動現金流. 一般財表中並未披露這個項目. 投資者需要自行計算.

公司擁有既自由現金數量大小與公司既賺錢能力成正比. 反之, 負數既自由現金代表公司既燒錢速度. 值得注意的是, 以”燒錢”比喻負數既自由現金流並未有學理和輿論既支持, 但概念上實在相差無幾.

燒掉的股本數

假使間一間公司連續N年都有淨流出(負數)既自由現金流, 我們將N年自由現金流加總再除以公司既股本數便可得出燒掉的股本數. 公司既股價與這個數字當然呈反比.

接下來?

下一篇筆記主要記錄返作者既實戰例子, 以說明如何利用各種財務數字, 在選股中催吉避凶.

​

財務自由的世界 筆記一

前言

此書為作者黃國華 分析財務報表的二部曲 (上一部名為 財務自由的講堂). 前書解釋左三大財務報表中的資產負債表及損益表, 本書則講述餘下既現金流量表.

由於作者係台灣人, 講既係台灣市場, 書中既術語同香港既有很大分別, 例如:

• 佢地既一張姐係我地香港既一手
• 我地一手可以1000股 可以500股, 但佢地一張就一定係1000股

黎緊既筆記都會用返台灣既術語, 但會附註返香港對應既術語

本書可以劃分為三個脈絡: 解讀現金流量表既各細項, 實戰應用各種財務數字既手法, 作者私人既選股策略

現金流量表簡介

現金流量表有助投資人評估公司既:

• 未來產生淨現金流入既能力
• 償還負債及支付股利 (香港: 現金股息) 既能力, 以及向外界融資既需要
• 本期損益與營業活動所產生現金流量既差異原因
• 本期現金與非現金之投資及融資活動, 對財務狀況既應響

現金流量表涵蓋企業既三大活動的現金流入流出狀況:

• 營業
• 投資
• 理財

理解閱讀現金流量表就能有效判斷公司各活動既效率, 了解公司的現金流向何處及來自何方. 雖然投資人依然不能精準了解公司既情況, 但絕對能起催吉避凶既作用, 避免重大損失. 套一句作者既說話: 既然市場有那麼多的選擇, 何必要選擇一隻有明顯風險既股票呢?

現金流量表 主要有三種(四種)現金流量

• 營業活動現金
• 投資活動現金
• 理財活動現金 (香港: 融資活動)
• 自由現金流量 (作者綜合分析營業活動現金與投資活動現金, 繼而衍生來的現金流量)

係紀錄每種現金流既細項前, 先以作者既例子簡單解釋四款現金流既概念

假設你開了一家麵攤, 客人吃多少東西就付多少錢給你, 
扣掉你的現金開支如進貨、薪水、水電瓦斯或付給美食節目的公關宣傳費之後, 
你所淨餘的現金就叫作「營運現金」, 當然營運現金也有可能是負的.

開麵攤總是要買鍋碗瓢盆, 桌椅擺設, 裝潢招牌等, 
這些支出雖然與營業沒有直接關係, 郤是開麵攤的必要投資, 
所以這些支出叫作「投資現金流量」, 
這項現金也有可能是正數, 比方桌椅太多了,賣幾張給隔壁賣信用卡的銀行理專攤販.

...

「營業現金」和「投資現金」這兩項現金流量, 加起來就是「自由現金流量」, 
也就是開麵攤難免會有因為想要擴張營業, 而去添加些鍋碗瓢盆或開分店的器具、裝潢, 
然而問題是, 你的麵攤生意所賺到的現金, 是否能夠支應這些擴張所需? 
如果你無法從本業(賣麵)賺到擴張生意的開銷, 自然你的老婆就會抱怨為什麼沒有賺到錢了. 
如果賺的錢還不夠支付投資器具, 必須回家向老婆要嫁妝或拜託老媽拿出老本, 
這就是所謂的「理財活動」的現金支出.

下一篇筆記 將會紀錄各現金流既細項

​